శ్రీకాకుళం : నవంబరు 15 : రాష్ట్రంలో వై.యస్.ఆర్ నవశకం కార్యక్రమం క్రింద నవంబరు 20 నుండి డిసెంబరు 20వ తేదీ వరకు సంక్షేమ కార్యక్రమాలకు లబ్దిదారుల ఎంపిక జరపాలని రాష్ట్ర ప్రభుత్వ ప్రధాన కార్యదర్శి నీలం సహానీ అన్నారు. ప్రభుత్వ ప్రధాన కార్యదర్శి శుక్ర వారం జిల్లా కలెక్టర్లతో వీడియో కాన్ఫరెన్స్ ను నిర్వహించారు. నెల రోజుల లబ్దిదారుల ఎంపిక కార్యక్రమాన్ని డ్రైవ్ మోడ్ లో చేపట్టాలని అన్నారు. లబ్దిదారుల ఎంపికకు పథకాల వారీగా మార్గదర్శకాలు విడుదల చేయడం జరుగుతుందని చెప్పారు. ఎంపికైన లబ్దిదారులకు బియ్యం కార్డుతో సహా వై.యస్.ఆర్ ఆరోగ్య శ్రీ, వై.యస్.ఆర్ పింఛను, జగనన్న విద్యా దీవెన, జగనన్న వసతి దీవెనకు కొత్త కార్డులు జారీ చేయడం జరుగుతుందని చెప్పారు. ప్రస్తుతం ఉన్న రేషన్ కార్డులు కొనసాగుతాయని ఆమె చెప్పారు. ఈ కార్డులకు అదనంగా వై.యస్.ఆర్ మత్స్యకార భరోసా, వై.యస్.ఆర్ నేత్ర నేస్తం, జగనన్న అమ్మ ఒడి, కాపు నేస్తం, దర్జీ, రజక, నాయి బ్రాహ్మణ లబ్దిదారులకు పథకాలు, సున్నా వడ్డీ, ఇమామ్, పాస్టర్ ల పారితోషకం, అర్చకుల వేతనం పెంపు కార్యక్రమాలను చేపట్టడం జరుగుతుందని తెలిపారు.ఎంపిక పక్కగా జరగాలని, డేటా రోజువారీ కంప్యూటరీకరణ చేయాలని ఆమె ఆదేశించారు. ఎం.పిడి.ఓ లు, మునిపల్ కమీషనర్ లు పకడ్బందీగా పర్యవేక్షణ చేయాలని ఆదేశించారు. జాబితాలను గ్రామ సభలలో పెట్టి సోషల్ ఆడిట్ చేయాలని, గ్రామ సభలలో ఎంపిక కార్యక్రమం వివరాలు తెలియజేయాలని అన్నారు. లబ్దిదారుల ఎంపికపై వాలంటీర్లు, సంబంధిత సిబ్బందికి శిక్షణ కల్పించాలని ఇందుకు మండలాల మాస్టర్ ట్రైనర్ లను ఎంపిక చేయాలని అన్నారు. లబ్ధిదారుల ఎంపికలో లబ్ధిదారుల తొలగింపు జరగదని ఆమె స్పష్టం చేస్తూ అర్హులైన మరింతమంది ప్రయోజనం పొందాలనేది ప్రభుత్వ ధ్యేయం అన్నారు.
20వ తేదీ నుండి నవశకం
• GURUGUBELLI RAJESWARA RAO
