జిల్లాలో యస్.సి, యస్.టి బ్యాక్ లాగ్ పోస్టుల జాబితా రిలీజ్

శ్రీకాకుళం : నవంబరు 20 : జిల్లాలో ఎస్.సి, ఎస్.టి బ్యాక్ లాగ్ ఖాళీల తాత్కాలిక మెరిట్ జాబితాను ప్రకటించామని జిల్లా కలెక్టర్ జె నివాస్ బుధ వారం ఒక ప్రకటనలో తెలిపారు. ఈ తాత్కాలిక జాబితాను srikakulam.ap.gov.in వెబ్ సైట్ తోపాటు జిల్లా కలెక్టర్ కార్యాలయం, సాంఘిక సంక్షేమ శాఖ ఉపసంచాలకుల కార్యాలయం, ఐటిడిఏ ప్రాజెక్టు అధికారి కార్యాలయాల నోటీసు బోర్డులో పెట్టడం జరిగిందన్నారు. ఈ జాబితాలను ఈ నెల 21వ తేదీ నుండి డిశంబరు 5వ తేదీ వరకు అభ్యర్ధుల పరిశీలన నిమిత్తం అందుబాటులో ఉంటుందని పేర్కొన్నారు. అభ్యర్ధులు పరిశీలించి అభ్యంతరాలు ఉంటే 15 రోజుల లోగా జిల్లా కలెక్టర్ కార్యాలయంలో సమర్పించాలని ఆయన కోరారు.