శ్రీకాకుళం :డిశంబరు 3 : డిశంబరు 14వ తేదీన జరగనున్న జాతీయ లోక్ అదాలత్ ను విజయవంతం చేయాలని జిల్లా న్యాయ సేవాధికార సంస్ధ అధ్యక్షులు మరియు జిల్లా న్యాయమూర్తి ఎమ్. బబిత పేర్కొన్నారు. మంగళవారం ఉదయ జిల్లా బార్ అసోసియేషన్ భవనంలో న్యాయమూర్తులు, న్యాయవాదులతో సమావేశం నిర్వహించారు. ఈ సందర్భంగా మాట్లాడుతూ జాతీయ న్యాయ సేవాధికార సంస్థ మరియు ఆంధ్రప్రదేశ్ రాష్ట్ర న్యాయ సేవాధికార సంస్ధ వారి ఆధేశాలు మేరకు డిశంబరు 14వ తేదీన జాతీయ లోక్ అదాలత్ ను నిర్వహిస్తున్నట్టు తెలిపారు.ఈ లోక్ అదాలత్ కార్యా క్రమానికి న్యాయవాధులు సహకరించి జిల్లాను ప్రధమస్థానంలో నిలపాలని కోరారు.14వ తేదీన జరగనున్న లోక్ అదాలత్ లో రాజీ పడడానికి 850 కేసులు సిద్దంగా ఉన్నట్లు గుర్తించడం జరిగిందని తెలిపారు. ఇందులో ప్రభుత్వ భూసేకరణకు సంబంధించిన కేసులు కూడా ఉన్నట్టు తెలిపారు. 2019 సెప్టంబరు 14వ తేదీన జరిగిన జాతీయ లోక్ అదాలత్ లో జిల్లా వ్యాప్తంగా 1155 పెండింగ్ కేసులు, 31 ప్రీలిటిగేషన్ కేసులను రాజీ మార్గంమున పరిష్కరించి రాష్ట్రంలో శ్రీకాకుళం జిల్లా 7వ స్థానంలో నిలిచిందని చెప్పారు.జాతీయ లోక్ అదాలత్ ద్వారా రాజీపడదగ్గ క్రిమినల్ కేసులు, సెక్షన్ 138 నెగేషియబుల్ ఇనుస్ర్టుమెంట్స్ యాక్టు కేసులు, మోటారు యాక్సిడెంట్ క్లేయిమ్ కేసులు, ఫ్యామిలీ కోర్టు కేసులు, లేబర్ కేసులు, ప్రభుత్వ భూసేకరణ కేసులు, బ్యాంకు కేసులు, సివిల్ కేసులు, రెవెన్యూ కేసులు, ఇతర రేవెన్యూ కేసులు, సర్వీసు మేటర్స్, పాత పెండింగ్ కేసులు, ప్రీలిటిగేషన్ కేసులు రాజీమార్గము ద్వారా పరిష్కరించుకోవచ్చని తెలిపారు. 
జాతీయ లోక్ అదాలత్ ను విజయవంతం చేయండి
• GURUGUBELLI RAJESWARA RAO
