క్రొత్త సంవత్సరం పెద్ద సమస్య

శ్రీకాకుళం : 2020 సంవత్సరానికి సంబంధించి మీకు ఓ చిక్కు ఎదురుకానుంది. డేట్ విషయంలో ఓ సమస్య ఏర్పడనుంది. చెక్కులు, ముఖ్యమైన డాక్యుమెంట్లపై డేట్ రాసే సమయంలో జాగ్రత్తగా ఉండకపోకపోతే కొంపమునిగే ప్రమాదం ఉంది. అది ఎలా అంటే.. ఉదాహరణకు మీరు 2020 జనవరి 25 అని చెక్ పైన డేట్ రాయాలంటే ఎలా రాస్తారు. చాలామందికి 25/01/20 ఇలా రాసే అలవాటు ఉంటుంది. ఇక్కడే మీకు ఓ సమస్య ఎదురవుతుంది. మీరు సంవత్సరం దగ్గర కేవలం 20 అని రాసి వదిలేస్తే 20 నెంబర్ తర్వాత ఏ నెంబర్ అయినా రాయొచ్చు. 20 తర్వాత 18 రాస్తే 2018 అవుతుంది. 19 రాస్తే 2019 అవుతుంది. కాబట్టి డాక్యుమెంట్లు, చెక్‌లపైన తేదీలు మార్చి మిమ్మల్ని మోసం చేసే ప్రమాదం ఉంది.మీరు భవిష్యత్తు డేట్‌తో చెక్, లేదా డాక్యుమెంట్ రాసి ఇచ్చినా దాన్ని 2018 లోనో, 2019 లోనో ఇచ్చినట్టు మారిస్తే మీరు చిక్కుల్లో పడటం ఖాయం. అందుకే డాక్యుమెంట్లు, చెక్కులపై డేట్స్ రాసే విషయంలో అలర్ట్‌గా ఉండాలి. మరి ఈ సమస్య నుంచి ఎలా బయటపడాలి అనుకుంటున్నారా? చాలా సింపుల్. సంవత్సరాన్ని పూర్తిగా రాస్తే సరిపోతుంది. అంటే… మీరు 2020 జనవరి 25 అని చెక్ పైన డేట్ రాయాలంటే 25/01/2020 అని పూర్తిగా రాయాలి. అప్పుడు ఆ డేట్ మార్చే ఛాన్సే లేదు. ముఖ్యమైన డాక్యుమెంట్లలో, చెక్‌లపైన ఇలా పూర్తిగా డేట్ రాయడం మర్చిపోవద్దు.