ఉత్తర కొరియా అధ్యక్షుడు కిమ్ ఆరోగ్యం సీరియస్సా? ??

ఉత్తరకొరియా అధ్యక్షుడు కిమ్ జోంగ్ ఉన్‌ ఆరోగ్యం తీవ్రంగా విషమించినట్లు తెలుస్తోంది. ఆయన ఆరోగ్య పరిస్థితి అత్యంత విషమంగా ఉన్నట్లు వార్తలు ఈ మద్య పుకార్లు ఎక్కువగా వస్తున్నాయి. సోమవారం రాత్రి ఆయన తీవ్ర అస్వస్థత గురైనట్లు విశ్వసనీయ సమాచారం. ప్రస్తుతం కిమ్ పరిస్థితి ఆందోళనకరంగా ఉందంటూ పెద్ద ఎత్తున వార్తలు వినిపిస్తున్నాయి. కిమ్ పరిస్థితి ప్రమాదకరంగా మారిందని, ఉత్తర కొరియా పరిస్థితులపై నిఘా ఉంచిన యూఎస్ అధికారి ఒకరు మీడియాకు తెలిపారు. అయితే ఇదే విషయమై స్పందించేందుకు వైట్ హౌస్ మాత్రం నిరాకరిస్తుంది. ఉత్తర కొరియాలో ఈ నెల 15వ తేదీన వేడుకగా జరిపే తన తాత కిమ్ ఇల్ సంగ్ జయంతి ఉత్సవాలకు కిమ్ జోంగ్ ఉన్‌ హాజరుకాలేదు. దేశ వ్యవస్థాపకుడు, కిమ్ తాతయ్య కిమ్ 2 సుంగ్ జయంతి కార్యక్రమాల్లో కిమ్ జాంగ్ ఉన్ కనిపించక పోవడంతో ఆయన ఆరోగ్య పరిస్థితిపై తీవ్ర చర్చ జరుగుతోంది. తాత జయంతి ఉత్సవాల్లో ఎప్పుడూ పాల్గొనే కిమ్ కనిపించకపోవడంతో ఆయన ఆరోగ్యంపై పుకార్లపై అనుమానాలు మరింత బలపడుతున్నాయి.ఈ క్రమంలోనే కిమ్‌ కొంతకాలంగా ఆస్పత్రిలో చికిత్స పొందుతున్నట్లు తెలిసింది. అనారోగ్యంతో ఆయనకు శస్త్రచికిత్స కూడా నిర్వహించినట్లు సమాచారం. దాని తరువాత కిమ్‌ బాహ్య ప్రపంచానికి దూరంగా ఉంటున్నారు.
మరోవైపు గడిచిన నెల రోజులుగా కిమ్ జంగ్ ఉన్ ఎందుకు సైలెంటయ్యారనే విషయమై ప్రస్తుతం తీవ్ర చర్చనీయాంశంగా మారింది. ఉత్తర కొరియాలో అత్యంత కట్టుదిట్టమైన భద్రత మధ్య ఉండే కిమ్ జాడ అతి రహస్యంగా ఉంచారు. ఆయనకు దగ్గరివారైన అతి కొద్ది మందికి మాత్రమే విషయం తెలుస్తుంది. దీనిపై స్పందించిన ప్రభుత్వం, ఈ సంవత్సరంలో ఆయన 17 సార్లు ప్రజల ముందుకు వచ్చారని గుర్తు చేసింది. నిత్యం తాను చేసే పనులతో వార్తల్లో నిలిచే కిమ్ జంగ్ ఉన్ ఎందుకు కనిపించడం లేదనే చర్చ ప్రపంచ వ్యాప్తంగా సాగుతోంది. అంతేకాదు అణుపరీక్షలు, క్షిపణి పరీక్షలు కానీ నిర్వహించన దాఖలాలు లేవు. అయితే అధ్యక్షుడి ఆరోగ్య పరిస్థితిపై మాత్రం ఉత్తర కొరియా నుంచి ఎలాంటి ప్రకటనా వెలువడలేదు. దీనిపై ఉత్తరకోరియా అధికారిక ప్రకటన వెలువడితేనే కిమ్‌కు ఏం జరిగిందన్న విషయం బయటకు వస్తుంది.గత కొన్ని రోజులుగా ఆయనకు సంబంధించిన వార్తలు ఏవీ రావడం లేదు. దీంతో ఇప్పుడు కిమ్‌ ఆరోగ్యం విషమంగా ఉందంటూ వార్తలు వినిపిస్తున్నాయి. అతడి ఆరోగ్యం పరిస్థితి ఏమాత్రం బాలేదని తెలుస్తోంది.దీనిపై నార్త్ కోరియా మాత్రం ఇంతవరకు స్పందించక పోవడం ఈ మద్య షికారు చేస్తున్న పుకార్లకు మరింత బలం చేకూరుతుంది.ఏది ఏమైనా ఉత్తర కొరియా ప్రభుత్వం స్పందించి ఆయన ఆరోగ్య పరిస్థితి ఎలాగుందో తెలియ జేసే వరకూ వాస్తవం ప్రపంచానికి తెలియదని చెప్పవచ్చు.